Afrikaanse webwerf English website
martin steyn

ware misdaad

Terwyl ek navorsing oor reeksmoordenaars en sielkundige profilering gedoen het, het ek ’n webwerf, die Crime Library, ontdek. Dit was ’n wonderlike bron van misdaadverwante inligting, van moordenaars tot forensiese tegnieke tot onderhoude met kenners en ware-misdaadskrywers, ’n inisiatief van CourtTV. Aangesien Suid-Afrika al verskeie reeksmoordenaars opgelewer het, het ek Marilyn Bardsley by die Crime Library gekontak om te hoor of hulle dalk in sulke artikels sal belangstel. Tussen 2004-2006 het ek sewe misdaadartikels voorgelê, wat op die webwerf gepubliseer is.

In ’n stadium is CourtTV, en daarmee saam ook die Crime Library, deur truTV oorgeneem. Marilyn Bardsley en haar span is weg, en die webwerf en sy karakter het heelwat verander. En nou is dit verwyder. Dis baie hartseer. Kort opsommings van my artikels volg hieronder. Ek beplan om dit in die toekoms op my webwerf te laai.

Stewart Wilken

  • Skrywer:
  • Datum:
  • Uitgewer: Crime Library
  • Genre: Ware misdaad
  • Sinopsis: Stewart Wilken, ook bekend as “Boetie Boer”, het tien slagoffers tussen 1990 en 1997 in Port Elizabeth, Suid-Afrika, vermoor, insluitend sy tienjarige dogter, Wuane. Wilken is veral ’n interessante geval omdat hy twee verskillende soorte slagoffers geteiken het, naamlik volwasse vroulike prostitute en jong tienerseuns.
  • Taal: Engels

Die Sizzlers-massamoord

  • Skrywer:
  • Datum:
  • Uitgewer: Crime Library
  • Genre: Ware misdaad
  • Sinopsis: Gedurende die nag van 20 Januarie 2003 word tien mans vasgebind, in die kop geskiet en keelaf gesny in die Sizzlers-masseersalon in Seepunt, Suid-Afrika. Net een oorleef die slagting. Geld en juweliersware is uit die kluis gesteel, maar is dit die ware motief vir die massamoord, soos die skuldiges, Adam Woest en Trevor Theys, beweer?
  • Taal: Engels

David Selepe

  • Skrywer:
  • Datum:
  • Uitgewer: Crime Library
  • Genre: Ware misdaad
  • Sinopsis: Tussen Julie en September 1994, word agt liggame van vroue in hul twintigs in die veld in Cleveland, ’n voorstad van Johannesburg, Suid-Afrika, ontdek. Hulle is verkrag en met ’n gordel of onderklere verwurg. Die klere wat by die liggame gevind word, dui aan dat hierdie vroue aandag aan hul voorkoms gegee het. Hoe het ’n reeksmoordenaar daarin geslaag om hulle na hierdie industriële area te lok? David Selepe word gearresteer en erken dat hy vyftien vroue vermoor het, maar weier om ’n skriftelike bekentenis te onderteken. Tydens ’n toneeluitwysing op 18 Desember, val Selepe een van die speurders aan en word noodlottig geskiet. Intussen word nog liggame van vroue ontdek—op ’n soortgelyke manier verkrag, vermoor en in die veld by Atteridgeville, Pretoria, gelaat. Was David Selepe die moordenaar, was hy ’n medepligtige van Moses Sithole, of was hy onskuldig?
  • Taal: Engels

Moses Sithole

  • Skrywer:
  • Datum:
  • Uitgewer: Crime Library
  • Genre: Ware misdaad
  • Sinopsis: Op 16 September 1995 word ’n vrou se liggaam in ’n veld naby Boksburg, Suid-Afrika, ontdek. Twee dae later het die polisie nog nege liggame in dieselfde area ontdek, in verskillende stadiums van ontbinding—’n reeksmoordenaar het hierdie veld as sy begraafplaas gebruik. Die manier waarop die slagoffers verkrag en verwurg is, is soortgelyk aan sowel die slagoffers in Cleveland, Johannesburg, wat met David Selepe verbind is, as dié wat ná Selepe se dood in Atteridgeville, naby Pretoria, gevind is. Moses Sithole word uiteindelik skuldig bevind aan die verkragting van veertig vroue en die moord op sewe en dertig vroue en een kind. Maar wat was Sithole se konneksie met David Selepe? Daar is ook interessante ooreenkomste tussen Moses Sithole en die Amerikaanse reeksmoordenaar, Ted Bundy.
  • Taal: Engels

Alison

  • Skrywer:
  • Datum:
  • Uitgewer: Crime Library
  • Genre: Ware misdaad
  • Sinopsis: Gedurende die vroeë oggendure van 18 Desember 1994 word Alison deur ’n man voor haar woonstel in Port Elizabeth, Suid-Afrika, ontvoer. Hy laai nog ’n man op en hulle ry na ’n verlate area, waar hulle Alison eers om die beurt verkrag, toe bewusteloos wurg en uiteindelik haar keel en maag oopsny en haar vir dood agterlaat. Maar Alison het ’n innerlike krag en wil om te bly leef. Sy kruip tot by die pad en oorleef die aanval om later haar aanvallers, Frans du Toit en Theuns Kruger, in die oë te kyk en talle mense wêreldwyd te inspireer en motiveer.
  • Taal: Engels

Marleen Konings

  • Skrywer:
  • Datum:
  • Uitgewer: Crime Library
  • Genre: Ware misdaad
  • Sinopsis: Marleen Konings, ’n Nederlandse uitruilstudent, verdwyn gedurende die laaste dae van 2003, ná ’n vakansie in die Tuinroete langs die suidkus van Suid-Afrika. Die polisie stel vas dat sy saam met ’n man, Rob Cowley, gereis het. Verdere ondersoek onthul dat “Rob Cowley” se regte naam Ferdinandt Mostert is—’n gewoontemisdadiger met ’n lang misdaadrekord. Mostert word aangekeer en neem die polisie later na Marleen se liggaam. Sy was egter nie Mostert se eerste slagoffer nie.
  • Taal: Engels

Tanya Flowerday

  • Skrywer:
  • Datum:
  • Uitgewer: Crime Library
  • Genre: Ware misdaad
  • Sinopsis: Op Vrydag 13 Junie 2003 laai Tanya Flowerday se pa haar by ’n klub in Randburg, Suid-Afrika, af. Haar liggaam word op ’n sypaadjie teen ’n muur gevind—erg aangerand, verkrag, verwurg. Ronald Grimsley, ’n dwelmverslaafde, word gearresteer. Hy beweer dat twee Nigeriërs Tanya verkrag en vermoor het om ’n “snuff”-film te maak, in ruil waarvoor sy dwelmskuld afgeskryf is.
  • Taal: Engels
boontoe
HTML5
kopiereg © 2017 deur martin steyn
alle regte voorbehou